پاکستان

پی آئی اے دنیا کی 100 بہترین ایئرلائنز سے بھی باہر

نیویارک: قومی ایئرلائن پاکستان انٹرنیشنل ایئر لائن خراب کارکردگی کی وجہ سے دنیا کی 100 بہترین ایئر لائنز کی فہرست میں بھی جگہ نہ بناسکی۔

دنیا بھر کی فضائی کمپنیوں، ایئرپورٹس اور فضائی مسافروں کی سہولیات پر کڑی نظر رکھنے والی کمپنی اسکائی ٹریکس نے ہرسال کی طرح امسال بھی بہترین ایئرلائنز کی درجہ بندی جاری کردی ہے۔

بہترین ایئر لائنز کا انتخاب مسافروں کی آراء پرکیا جاتا ہے جب کہ بروقت آمد و روانگی، بہترین سروس اورعملے کے رویے کی بنیاد پر پوائنٹس دیے جاتے ہیں جب کہ ٹاپ ٹین ایئر لائنز کو ایوارڈز سے نواز جاتا ہے۔

اسکائی ٹریکس کی 2018 کی درجہ بندی میں قومی ایئرلائن 100ویں پوزیشن تک حاصل نہ کرسکی، فضائی سفر کے دوران مسافروں کو جہازوں میں  ملنے والی سہولیات، انٹرٹینمنٹ،  خاطر تواضع اور دیگر خدمات میں پی آئی اے متاثر کن  کارکردگی پیش نہ کرسکی اور دنیا کی بہترین ایئر لائن میں شمار کی جانے والی قومی ایئرلائن زوال پذیر ہے۔

سال 2018 کی بہترین ایئرلائن سنگاپورایئرلائن کو قرار دیا گیا، قطر ایئرویز دوسرے اور آل نیپون ایئرویز تیسرے نمبر پرآئی ہے جب کہ امارات ایئرلائن چوتھے نمبرپر رہی۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

This site uses Akismet to reduce spam. Learn how your comment data is processed.

Close