پاکستانسیاست

تحریک انصاف کی ایم کیوایم کو وفاق میں حکومت سازی کیلئے ساتھ چلنے کی دعوت

پاکستان تحریک انصاف نے وفاق میں حکومت سازی کے لیے متحدہ قومی موومنٹ پاکستان سے رابطہ کیا ہے۔

پی ٹی آئی کے رہنما جہانگیر ترین نے ٹیلی فون پر ایم کیو ایم کے کنوینر خالد مقبول صدیقی سے رابطہ کیا اور انہیں حکومت سازی کے لیے ساتھ چلنے کی دعوت دی۔

ذرائع کا کہنا ہے کہ دونوں جماعتوں میں ٹیلیفونک رابطے کے بعد ایم کیو ایم اور پی ٹی آئی کے رہنمائوں کی ملاقات جلد متوقع ہے۔

اس حوالے سے ایم کیو ایم کے رہنما خالد مقبول صدیقی کا کہنا ہے کہ جہانگیر ترین نے فون کرکے ملاقات کی دعوت دی ہے لیکن تحریک انصاف سے ملاقات کا فیصلہ رابطہ کمیٹی کرے گی۔

ذرائع کے مطابق جہانگیر ترین نے خالد مقبول صدیقی سے کہا کہ کراچی میں تحریک انصاف اور ایم کیو ایم کی نمائندگی ہے لہٰذا دونوں جماعتیں مل بیٹھ کر بات کر سکتی ہیں۔

خالد مقبول کا کہنا تھا کہ جہانگیر ترین سے کہا ہے کہ بات چیت کے لیے ہمارے دروازےکھلے ہیں اور آپ کو مینڈیٹ ملا ہے تو کراچی کے لیے کام کریں۔

دوسری جانب وفاق میں حکومت سازی کے معاملے پر تحریک انصاف نے پیپلزپارٹی سے رابطوں کی تردید  کی ہے اور ترجمان پی ٹی آئی فواد چوہدری کا کہنا ہے کہ وفاق میں حکومت سازی کے لیے تحریک انصاف کے پاس مطلوبہ تعداد موجود ہے لہٰذا وفاقی حکومت کی تشکیل کے لیے پیپلز پارٹی کی حمایت کی ضرورت نہیں۔

انہوں نے کہا کہ تحریک انصاف خود وفاق میں حکومت بنائے گی اور حکومت سازی کے لیے پیپلز پارٹی سے رابطے کی اطلاعات میں صداقت نہیں۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

This site uses Akismet to reduce spam. Learn how your comment data is processed.

Close