پاکستانسیاست

کشمیری حریت رہنماؤں کی عمران خان کو وزیراعظم بننے پر مبارکباد

سری نگر: آل پارٹیز حریت کانفرنس کے چیئرمین میر واعظ عمر فاروق سمیت کشمیری حریت رہنماؤں نے عمران خان کو وزیر اعظم بننے پر مبارکباد دی ہے۔

کشمیر میڈیا سروس کے مطابق میر واعظ عمر فاروق اور دیگر رہنماؤں نے عمران خان کو وزیر اعظم بننے پر مبارک باد کا پیغام دیا ہے۔

میر واعظ عمر فاروق  کا کہنا ہے کہ امید ہے کہ عمران خان پاکستان کو سیاسی و معاشی لحاظ سے مستحکم بنائیں گے اور پاکستان کو عالم اسلام کا ترجمان بنانے کے لیے تمام صلاحیتیں بروئےکار لائیں گے۔

انہوں نے کہا کہ پاکستان نے ہمیشہ کشمیریوں کی امنگوں کے مطابق دنیا میں مسئلہ کشمیر اجاگر کیا ہے اور امید ہے عمران خان مسئلہ کشمیر حل کرانے کی پاکستانی کوششیں جاری رکھیں گے۔

یاد رہے کہ عمران خان نے آج ملک کے 22 ویں وزیر اعظم کی حیثیت سے حلف اٹھالیا ہے۔

Show More

Related Articles

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

This site uses Akismet to reduce spam. Learn how your comment data is processed.

Close